"Ya llovió", en Llangréu
09/10/09

La esposición "Ya llovió. Trenta años de Nuberu", que ya pudo vese esti branu nel Teatru Municipal de Samartín del Rei Aurelio, inauguróse esta selmana na Casa de los Alberti de Ciañu (Llangréu), onde podrá visitase hasta´l 11 de payares.  

"Ya llovió", na Casa los Alberti de Ciañu./Foto: Juan Plaza

L´amuesa ye un repasu n´imáxenes y soníos a la trayeutoria de Nuberu, reconocía esti añu cola Medalla d´Asturies, y ye tamién un recorríu per trenta años de la historia d´Asturies nos que les canciones de Chus Pedro y Manolo pasaron de ser la banda sonora de la Transición a camudase en patrimoniu cultural. "Ya llovió" cuenta la historia nel tiempu, la que va más p´allá y tolo que pasó nel 2008, l´añu nel que se cantó´l "¡Allá va la despedida!".