Dando la cara
24/06/08

Manolo y Chus Pedro ya sacaron la so semeya cola cartela de la campaña “Yo doi la cara pola oficialidá” entamada va unes semanes pol Conceyu Abiertu pola Oficialidá. De fondu, les parés del Teatru de L´Entregu, y el mensax, pernidiu: oficialidá pa la llingua asturiana.

El Conceyu Abiertu pola Oficialidá (CAO) ye una plataforma cívica que tien como únicu oxetivu algamar la oficialidá de la llingua asturiana y del gallego-asturianu nel Estatutu d’Autonomía d’Asturies.

                            

                              

 

El Conceyu Abiertu pola Oficialidá (CAO) ye una plataforma cívica que tien como únicu oxetivu algamar la oficialidá de la llingua asturiana y del gallego-asturianu nel Estatutu d’Autonomía d’Asturies. Pa ello, el CAO tien entamao munches actividaes: manifestaciones, esposiciones, marches a pie y en bici, caravanes per tolos conceyos d’Asturies… siempre pidiendo convivencia, respetu, derechos, igualdá pa tol mundu fale na llingua que fale. El CAO concéntrase ente la Xunta Xeneral tolos díes que s’aconceyen los representantes políticos que tán discutiendo la ponencia estatutaria de reforma. Failo pa recordar que n’Asturies hai un asuntu pendiente en cuantes a derechos democráticos y que l’Estatutu d’Autonomía tien que lu resolver reconociendo la oficialidá.

La campaña “Yo doi la cara pola oficialidá” ye una de les actividaes del CAO que más persones ta movilizando. Entra en www.doilacara.net y ya verás cómo ye percenciello dar la cara pola oficialidá.

Nuberu ya lo fizo. Agora tócate a ti.