El chalaneru "garra la palabra"
29/05/08

"Garra la Palabra" ye´l títulu del discu colectivu que la Xunta pola Defensa de la Llingua Asturiana ta acabante asoleyar por mor de la celebración del XX Conciertu pola Oficialidá y nel que s’inclúi un corte de caún de los grupos que participaron nel conciertu del mes pasáu en Xixón. Nuberu tá con "Chalaneru".

Portada de "Garra la palabra"./ asturnews.com

"Garra la Palabra", que tamién inclúi un cantar inéditu fechu pa la ocasión pol colectivu Músicos pola Oficialidá, vien sumase a otres esperiencies anteriores de la Xunta pola Defensa de la Llingua Asturiana como el doble CD compilatoriu “L’Asturianu Vive, la Llucha Sigue”, asoleyáu nel 2000, y los singles “Fala!”, “Oficiaidá, Un Pasu Alantre” y “Arguyosu”, asoleyaos ente 2005 y 2007.

"Garra la Palabra" contién los cantares: 1.- Garra la palabra. MÚSICOS POLA OFICIALIDÁ (Música: Sergio Rodríguez - Lletra: Vito Álvarez, Aique García y Xune Elipe). XX CONCIERTU POLA OFICIALIDÁ. 2.- Mañena. DRD (por xentileza de Fono Astur). 3.- La casa gris. LLAN DE CUBEL (por xentileza de Fono Astur). 4.- Chalaneru. NUBERU (por xentileza de Fono Astur). 5.- Xota la punta. TEJEDOR (por xentileza de Tejedor). 6.- La taza. LA BANDINA (por xentileza de Fono Astur). 7.- Suena’l camín. LA COL.LÁ PROPINDE (por xentileza d’Ámbitu/L’Aguañaz). 8.- Trasmerana. XERA (por xentileza de Xera, baxo llicencia Creative Commons). 9.- Térmica, termicae. SKANDA (por xentileza d’Ámbitu/L’Aguañaz). 10.- ¡A cabruñar!. LOS BERRONES (por xentileza de Santo Grial Producciones). 11.- Esto ye Asturies. CHALANERU SOUND SYSTEM (por xentileza d’Ámbitu/L’Aguañaz). 12.- Facer el camín. K-NALÓN (por xentileza de K-Nalón). 13.- Nun ye tarde. SKAMA LA REDE (por xentileza d’Ámbitu/L’Aguañaz). 14.- Ochobre’l 34. GOMERU (por xentileza de Gomeru). 15.- La danza. DIXEBRA (por xentileza d’Ámbitu/L’Aguañaz).

 

La Xunta pola Defensa de la Llingua Asturiana quixo agradecer “la collaboración solidaria de tolos grupos y compañíes discográfiques que fixeron posible qu’esti discu saliere alantre”.

Los interesaos nel productu van poder mercalu nos llocales de la Xunta pola Defensa de la Llingua Asturiana y tamién, nos próximos díes, en llocales y negocios de toa Asturies. Tamién pue consiguise contactando cola Xunta nel corréu Esta dirección de correo electrónico está protegida contra los robots de spam, necesita tener Javascript activado para poder verla o nel teléfonu 985 229 553.