El árbol de navidá | Imprimir |

  1. CANCIAMOS 15''
  2. LOS TRES REIS MAGOS 3' 10"
  3. YO NUN SÉ QUE TIÉN EL NEÑU 3'
  4. LOS PASTORES Y PASTORAS 2' 36"
  5. NA PLAZA'L FONTÁN
  6. DESVÉLENTE LOS AMORES 3' 55"
  7.NAVIDÁ DEL 0,7 3' 42"
  8. NUN HAY TAL ANDAR 4' 10"
  9. DEXÁI QUE DUERMA 2' 07"
10. ESTA NUECHE 3' 10"
11. VOI CANCIAR 3'

¿CANCIAMOS?

A estes puertes llegamos
dellos pastores,
si mos dan l'aguilandu
estos señores...
¿Canciamos...?

Lletra y música:  Popular. Adaptación NUBERU

LOS TRES REIS MAGOS

Vienen tres Reis Magos
per xunto al ríu.
Vienen tres reis magos
per xunto al ríu.
Vienen dende perlloñe
muertos de frío.

Van caminando per un camín
Van entrugando por un rapacin.

Unu yera pervieyu,
otru, medianu.
Unu yera pervieyu,
otru, medianu.
Otru yera un bon mozu,
yera asturianu.

Van caminando per un camín
Van entrugando por un rapacin.


El más vieyu de toos,
dixo tremando.
El más vieyu de toos,
dixo tremando.
Si nun llegamos ceu
vamos xelamos.

Van caminando per un camín
Van entrugando por un rapacin.

Entós el más mozu
dixo perseriu.
Entós el más mozu
dixo perseriu.
Aguanto bien el frío
por ver al neñu.

Van caminando per un camín
Van entrugando por un rapacin.ç

Lletra y música:  Sor canción

NUN SÉ QUE TIEN EL NEÑU

Yo nun sé que tien el neñu
Yo nun sé que tien el neñu
de la carina rosada
Y robóme'l pensamientu
Y robóme'l pensamientu
Ai, ai, ai, ai.

De Belén nun peselbre
vilu yo esta madrugada
y paecióme una rosa
engolada d'un rosal.
Ai, ai, ai
Ai, ai, ai.

Y en cuantes llegue la tarde
allá tengo de volver
y si me dexa mio madre
tengo quedame con él.


La carina ye de rosa,
la boquina ye de miel,
yo nun sé que tien el neñu
yo nun sé, que tien el neñu.

Neñu de mio corazón
Neñu de mio corazón
voi facete collarinos
colos rayinos del sol
Ai, ai, ai
Ai, ai, ai.

Lletra y música:  Sor canción

LOS PASTORES Y PASTORAS

Los pastores y pastoras
aconceyáronse xuntos
y atropando tol ganao
colaron toos contentos.

Yera too folixa
yera too un sentir
yeren too allabances
pa los pas del rapacín.

Corréi pastorinos
corréi a canciar
a esi neñu guapu
a esi neñu buenu
que na cuna ta.

Con gaites y con panderos
tarrañueles y tambores
glayaben les allegríes
y baillaben los pastores.

Lletra y música:  Popular. Adaptación NUBERU

NA PLAZA'L FONTAN

Na plaza'l Fontán
nun hai fierro nin carbón
anque llegó Navidá
equí nun llegó Melchor.

Los güah.es taben llorando
y el neñu que ta ente payes
mirando al cielu, rióse
de los otros que lloraben.

Yá resuenen les campanes,
llegó la Navidá,
tamos toos muertos de fame
y con ganes de canciar.

Anque haiga ñeve
nun hai fríu;
hai mazapán y turrón,
pero hai otros niñinos
que nun son fíos de Dios.

L'árbol de Navidá
ta enllenu de regalos,
vete a recoyelos neñín
anque haigas sío mui malu.

Lletra y música:  Chus Pedro Suárez "Chusín"

DESVÉLENTE LOS AMORES

Desvélente los amores, neñín de Dios,
desvélente los amores, mui grandes son.

Nun quier dormir, dizme que non,
que quier velar por toos los que crió.

Nun quier dormir, quier predicar,
tan pequeñín que ye y yá sabe falar.

Carina de mar sele (serena)
carina de mar sele
Llucerinos del cielu
mírense nella.
Cuando zarres los güeyinos
cerque de la nueche escura
pero dormite mio neñu
anque muerra la penumbra.
Los güeyinos son l'alba
clariando entre romeros
mírenme y espierta'l día
zárrense y en nueche quedo.

Lletra y música:  Sor canción

NAVIDÁ DEL O,7

Navidá, la nieve blanca
regalinos y turrones,
tando toos aconceyaos
disfrutando de mil coses.

ESTRIBILLO
Vamos pensar en tol mundo
(pensemos en tola xente)
si hai que vivir compartiendo
nun podemos escaecemos
de los que viven sufriendo.

¡Navidá del 0,7!
Tenémoslo d'algamar
hai de ser más solidarios,
l'amor ye saber dar.
¡Navidá del 0,7!
Nun ye pidir caridá
ye'l drechu d'estos pueblos
que nun saben d'igualdá.

Con too aquello que mos sobre
nun podemos racaniar;
Sudamérica tien fame
ensin medios pa progresar.

Mui señores Reis Magos
nun lo vaigan a escaecer
l'equilibriu nel mundu
más que regalu, ye llei.

Mentanto qu'unos queden fartos,
otros nun xinten ni pan,
hailos que duermen na cama
y dalgunos que nin nel portal.

Nuechebuena nel Occidente
xaréu, folixa y paz;
mala nueche n'Etiopía
l'Africa siempre escaecida.

Lletra y música:  Julio Sánches / Gabino Antuña

NUN HAI TAL ANDAR

Nun hai tal andar como andar a la una
y veréis a un neñu na cuna
que nació na nueche escura
nun pueblín d'allende'l mar
que nun hai tal andar.

Coru
Nun hai tal andar como atopar a un neñu
nun hai tal andar como a un neñu atopar
que nun hai tal andar.

Nun hai tal andar como andar a les dos
y canciar como un neñu d'amor
y escaecer murnies y llantos
que tolos homes somos d'ún igual
que nun hai tal andar.

Coru
Nun hai tal andar como atopar a un neñu
nun hai tal andar como a un neñu atopar
que nun hai tal andar.

Nun hai tal andar como andar a les tres
y peles cases canciar otra vez
villancicos y aguinaldos
les faltriqueres tenéis de llenar
que nun hay tal andar.

Coru
Nun hai tal andar como atopar a un neñu
nun hai tal andar como a un neñu atopar
que nun hai tal andar.

Nun hai tal andar como andar a les cuatro
peles caleyes canciando o rezando
colos nuberos y los trasgos
porque esta nueche llegó Navidá
que nun hai tal andar.

Coru
Nun hai tal andar como atopar a un neñu
nun hai tal andar como a un neñu atopar
que nun hai tal andar.

       Lletra y música:  Popular. Adaptación NUBERU

DEXÁI QUE DUERMA

A
Nueche la más allegre, la Nuechebuena
no más alto del cielu relluz la estrella
y güei la noche ta folixera
cáncien-y los pastores xunto a la cueva
xunto a la cueva.

B
Nueche la más allegre, la Nuechebuena
vamos lleva-y al neñu miel y mantega
y una bufanda pa cuando crezca
que fuera ta xelando, que fuera xela
que fuera xela.


C
Nueche la más allegre, la Nuechebuena
ta añándolu María pa que se duerma
colos lluceros, la lluna xuega
siéntese seliquino la pandereta
la pandereta.

D
Nueche la más allegre, la Nuechebuena
dexái dormir al neñu, dexái que duerma
que té ente paya, que ta ente yerba
que fuera ta xelando, que fuera xela
que fuera xela.

Lletra: Nacho Fonseca

ESTA NUECHE

Esta nueche, Nuechebuena
y mañana Navidá;
saca la bota María,
que me voi emborrachar.

Estes puertes son de pinu,
de fierro la enclavación;
a los amos d'esta casa
Dios-yos dé la salvación.


Estes puertes son de fierro
y equí vive un caballeru
pa damos l'aguilandu
y un "puñaín" de dineru.

Estes puertes son de pinu
y equí vive un gran vecín,
pa damos l'aguilandu
y una fueya de tocín.

Lletra y música:  Popular. Adaptación NUBERU

VOI CANCIAR

Voi canciar la Nuechebuena
voi canciar la Navidá
voi canciar al neñín guapu
qu'a las doce nacerá

Voi canciar a la mio neña
voi al mio neñu canciar
voi siguir a los pastores
y canciar nel portal

Voi cancia-yos a los reis
que ficieron gran andar
por dir tres la blanca estrella
y al neñín querer canciar.

ESTRIBILLU
Da-y rapaz al panderu
da-y fuerte, da-y bien.

Allégralu, que llora
de frío en Belén
.

Lletra y música:  Popular. Adaptación NUBERU