Agua de la Fonte clara | Imprimir |

 1 -  AGUA DE LA FONTE CLARA
 2 - NALÓN
 3 - DELINA
 4 - AMERICANU DEL POTE
 5 - ¿ÓNDE TAN?
 6 - SER ASTURIANU
 7 - NEGRA SOMBRA
 8 - DORMIR CONTIGO
 9-  EL VELETA
10- NORA

 

AGUA DE LA FONTE CLARA

Agua de la fonte clara
agua de la fonte fría
repetime pocu a pocu
les coses que me dicía.

Yo perdíme ente la bruma,
enganchéme nuna rama,
tu xubisti a la montaña,
yo baxé a la mar salada.
Per  un caminín de roses
la mañana de San Xuan,


estrenasti aquel vistíu
con una tira bordada.
Yo mirábate con fame
na iglesia comulgar,
¡Ai mamina! si yo fuera
como la hostia consagrá!

Agua de la fonte clara
agua de la fonte fría,
di como yeren esos llabios
colos qu'ella me bebía.

Lletra y música: Victor Manuel San José Sánchez

NALÓN

Dende que sales de Tarna
nun puedes quitar les penes,
con tantu esfuerzu baldíu
nun sabes si vas o vienes.
Corres azotáu y llocu
llibre sin frenu ni amarra,
de tanto llavar carbón
empuercáronte la cara.

Nalón, Nalón, carboneru,
Nalón mira como baxes:
mientres ayer dabes vida
agora de negru mates,
de negru mates.

Perdisti hasta la memoria,
llimpia y tresparente l'agua,
de tan garbosu na Pola
nun recuerdes nada en Pravia.
Empuercáronte les agües,
lleváronte la inocencia,
lo que nun podrás facer
ye llava-yos la concencia.
Nadie va volvete a ver
Como te vemos agora
cuando pasen unos años
y tengas la depuradora.

Nalón, Nalón, carboneru...

          Lletra y música: Gabino Antuña Fernández
                              y Julio Sánchez Andrade


DELINA

Delina, cuando morrió,
díxome que nun llorase,
qu'echase murnies a l'aire
pero que nun la escaeciese.

¿Cómo te voi escaecer
si yes la lluz de mio vida?
...a esos güeyinos nublaos
enllenos d'agua bendito.

To nietu entruga por ti
a les palombes nel parque,
elles sonríense con él
diciéndo-y qu'en paz descanses.
A veces falo de ti
colos collacios nel chigre,
naide me puede dicir
lo munchu que me quixisti.

¿Quién me crió como un ánxel,
quién sabe del primer besu,
quién pensó qu'era'l más guapu?
...Esa má que güei nun tengo.

 Lletra: Chus Pedro Suárez.
 Música: Tradicional irlandesa

AMERICANU DEL POTE

Americanu del pote,
¿Cuándo llegasti? ¿Cuándo vinisti?
El reló y la cadena
¿Yá lo empeñasti? ¿Yá lo vendisti?
Americanu del pote,
¿Cuándo vinisti? ¿Cuándo llegasti?
El reló y la cadena
¿Yá lo vendisti? ¿Yá lo empeñast´?

Camparines de mio aldea, 
campanines del mio llar,
de lejos taisme llamando
a les fiestes d'El Portal.
A les fiestes d'El Portal
pronto tengo de llegar,
porque aunque a mi nun me quieran
perres nun me han de faltar.
Perres nun me han de faltar
nin tiempu pa cortexar,
nun me pidáis soluciones
que yo sólo quiero
salir a bailar.

Americanu del pote...

Campanines de mio aldea,
campanines del mio llar,
de lejos vengo volando
a les fiestes d'El Portal.
Enes fiestes d'El portal
nun se fala de carbón
y aunque les verdaes son penes
nun van faltar perres, non,
Nun van faltar perres, non,
nin tiempu pa cortexar,
nun me pidáis soluciones
que yo sólo quiero
salir a bailar.

Americanu del pote...

- Anda, Pepín del alma,
mecago en to arte,
 mecago en to alma!.

Lletra y Música: Popular- Manolo Peñayos.

 

ONDE TÁN

Dime, ¿Ónde tán
esos deseos que nun llegarán
a realizase 
si nun hai perres pa comprar?

Dime ¿Nun me crees?
tovía hai veles encendíes d'ayer
por si la suerte
fai a ún ricu d'una vez.

Güei como ayer
dioses que controlen los pasos,
templos, mercaos
vendiéndote ilusión.
Güei como ayer
modes que controlen los pasos 
y toos flipando cola televisión.

Dime, ¿Ónde tán
esos deseos que nun llegarán
a realizase?
¿Flipes con un "Super-Star"?

Dime, ¿Ye que crees
los amigos son igual qu'aquel
al qu'adorasti?
¡...Tu pides carne y bebes sed...!
Güei, como ayer
dioses que controlen los pasos,
templos, mercaos vendéndote ilusión.
Güei como ayer
modes que controlen los pasos
y toos flipando cola televisión.

 Lletra y Música:
  Manolo Peñayos.

SER ASTURIANU

Ser asturianu nun ye
dir con montera picona
nin saber echar bien la sidra
nin xubir a Covadonga.

Nun adornase con hestories
que son verdaes a medies
que de tanto ser grandones
creciéronmos les oreyes.

Yo nun maldigo les coses
que nos faen ser como somos
pero fai falta dicilo
qu'arimamos pocu l'hombru.
Siempre tamos dividíos
caún tira pal so sitiu
pa facer Asturies grande
vamos trabayar uníos.

Dende Oriente hasta Occidente
dende'l mar a la quintana
toles voces nuna
¡Viva la tierra asturiana!

Lletra y música: Victor Manuel San José Sánchez

 

NEGRA SOMBRA

Cuando penso que te fuches
negra sombra que me asombras,
ao pe dos meus cabezales
tornas facéndome mofa.

Cuando maxino que és ida
no mesmo sol te me amostras
i eres estrela que brila
i eres o vento que zoa

Si cantan és ti que cantas;
si choran, és ti que choras,
i és o marmurio do río
i és a noite i és a aurora.

En todo estás e ti és todo,
pra mín i en min mesma moras,
nin me abandonarás nunca, sombra que sempre me asombras

Lletra: Rosalía de Castro
Música: J. Montes

DORMIR CONTIGO

Déxame la puerta abierta
nun me faigas más naguar:
si nun te tengo esta nueche
¡nun sé lo que va a pasar!.

Más quinxera yo, rapaza,
dormir de nueche contigo
que tener perres abondo
y los praos fartos de trigu,
y dempués d'haber dormío
quinxera tamién tener
perres y trigu a palaes,
pero contigo, muyer.

Si crees que ye pidir muncho
dexar la puerta entornada
ábreme un pocu'l ventanu
pa que yo pueda esguilar.
Matábenme los amores
cuando te diba a buscar,
alcontréte nos maizales,
nun me lo quixisti dar.

Más quinxera yo, rapaza...

      Lletra y música: Gabino Antuña Fernández
                           y  Julio Sánchez Andrade

 

 


EL VELETA

Güei llámenme "El Veleta", sí, sí,
polo variable,
si yo soi la veleta, sí, sí,
tu yes l'aire, tu yes l'aire,
que la veleta, que la veleta,
si l'aire nun la mueve,
quédase quieta.

Baxo un día a l'adea ¡Ai,ai ai!,
voi entrugando,
si hubo un día algún home, ¡Ai,ai ai!
que muerra amando,
y me dixeren, y me dixeren:
"Muyeres a millares, sí, sí,
n'homes non hai penes".

Confesé con un cura, ¡Ai, ai ,ai!
¡Qué buenu yera!
Púnxome en penitencia, ¡Ai, ai ai!
que lu quixera,
y yo lu quixe, y yo lu quixe,
porque la penitencia, mi amor,
tien que cumplise.
Y yo lu quiero, y yo lu quiero,
porque la penitencia, mi amor,
ye lo primero.

Lletra y música: Popular.


NORA

Yo recuerdo qu'una tarde
sentaos nun portal
los chavales esperaben
qu'amainara'I tiempu,
aburríos unos con otros
nun sabíen a qué xugar,
inventaren mil mentires,
contáronse un cuentu...

Y la tarde yera llarga,
nun dexaba d'orbayar,
y los neños yá teníen
les oreyes roxes,
apoyaos nuna ventana
viendo les nubes pasar,
agüeyaron una vieya
qu'iba dando voces...

"¡Nora!, ¡Nora la lloca!"
-Gritaben los chavales
que-y tiraben piedres-
"¡Lloca! ¡ ¿Ónde vas, lloca?!".
-Los probinos esa tarde
nun teníen xuguetes-
"¡Nora!, ¡Nora,la lloca!"
-¡Corríen delantre d'ella
pel patiu casa-
"¡Lloca! ¡¿Ónda vas lloca?!"
-"¡Voi davos nes pates
con una forgaxa!"-


Pel güertu los manzanos
llega Nora toa enfadada
coles greñes pela cara
dando reblagatos,
coles bolses baxo'l brazu
caminando toa encorvada,
y unos chanclos que teníen
más de cien mil años...
Va pidiendo peles cases,
ta durmiendo nun xergón,
y recoye les castañes
que tán pel suelu,
bebe'l tiempu que los homes
perdemos nel resbalón
de la priesa y les mentires
que come a los neños...

"¡Nora!, ¡Nora, la lloca!"...
"¿Hai dalgo? ¿Nun hai nada?
...Sí, bobu, lo preciso...
¡Una pesetina, ho...!
"¡Lloca!"
"¡¿Cómo que toi lloca?!"

Lletra: Manolo Peñayos Yolanda García
Música: Manolo  Peñayos