Mineros | Imprimir |

1. SE ARREGLARÁ 2.4
2. EN EL POZU MARÍA LUISA 6.12
3. LA MULA TORDA 2.16
4. LA CARBONERA 5.17
5. CANCIÓN DE LOS VALLES 3.32
6. RISCAR MINERU 3.19
7. EL CHAMICERU 3.26
8. LA ASTURIES PRIETA Y VERDE 3.48
9. MINERU LU QUIERO MADRE 3,20


SE ARREGLARÁ

Dícesme que quiés a otru,
dícesme que tien carrera.
Que yo soi sólo mineru,
pero mineru primera.

Si tien arreglu, se arreglará,
si nun lo tien, arreglao ta.

En la mina el vigilante
grítame que despabile,
en casa grítesme tú
que escarrile, el que escarrile.

Si tien arreglu, se arreglará,
si nun lo tien, arreglao ta.

Aquí enterróse mio ma,
aquí en esta tierra negra,
nel chigre y en la bebida
quiero  enterrar yo mio pena ¡eh!

Si tien arreglu, se arreglará,
si nun lo tien, arreglao ta.


Oigo tocar el turullu,
anduve de borrachera,
el trabayu ye'l trabayu
pero primero esparcela.

Si tien arreglu, se arreglará,
si nun lo tien, arreglao ta.

Ye famosu porque pica
carbón igual que muyeres,
meyor picaba algo en casa
que nun entra peles puertes.

Si tien arreglu, se arreglará,
si nun lo tien, arreglao ta.

Aquí enterróse mio ma,
aquí en esta tierra negra,
nel chigre y na bebida
quiero yo enterrar mio pena ¡eh!

Lletra: T. Martínez Nuño
Música: popular
Adaptación: Nuberu


EN EL POZU MARÍA LUISA

San Bárbara bendita, Santa Bárbara bendita,
Patrona de los mineros, mira, mira Maruxina,
Mira, mira cómo vengo yo, patrona de los mineros,
Mira, mira Maruxina, mira, mira cómo vengo yo.
En el pozu María Luisa, en el pozu María Luisa,
Dieciséis mineros muertos, mira, mira Maruxina, mira
Mira cómo vengo yo, dieciséis mineros muertos, mira.
Mira Maruxina, mira, mira cómo vengo yo.
Qué importa categoríes, qué importa categoríes
Quedaron en el testeru mira, mira Maruxina,
Mira, mira cómo vengo yo.
Quedaron en el testeru mira, mira Maruxina,
Mira, mira cómo vengo yo.
Traigo la camisa roja, traigo la camisa roja,
De sangre d'un compañeru, mira, mira Maruxina, mira,
Mira cómo vengo yo.
De sangre de un compañeru, mira, mira Maruxina, mira,
Mira cómo vengo yo.
El alma tengo partía, el alma tengo partía
Nun será l'últimu duelu, mira, mira Maruxina,
Mira cómo vengo yo.
Nun será l'últimu duelu, mira, mira Maruxina, mira,
Mira cómo vengo yo.
Unos dicen que ye Dios, unos dicen que ye Dios,
Otros dicen non lo creo, mira, mira Maruxina, mira,
Mira cómo vengo yo.
Otros dicen non lo creo, mira, mira Maruxina, mira,
Mira cómo vengo yo.
El casu ye que ca poco, el casu ye que ca poco
La muerte llama a conceyu, mira, mira Maruxina, mira,
Mira cómo vengo yo.
La muerte llama a conceyu, mira, mira Maruxina, mira cómo vengo yo.

Lletra: popular / T. Martínez Nuño
Música: popular
Adaptación: Nuberu


LA MULA TORDA
Soi trenista de primera
ena mina d'El Sotón
tengo una mulina torda
que tira más qu'un benzol.

Y si delles tiren muncho
ella tira muncho más
nun-y falta namás a mio mula
que char l'aguya al pasar.

Y si escarrila'l tren
la mula mira p'atrás
como pruyéndo-y dicir 
¡si yo te fora a ayudar! 
Más un día yo vi bien (bien vi)
que la mula nun tiraba
entrugué-y a la mio mula
que si nun-y daben cebá.

Y respondióme la mula
con llárimes nos sos güeyos
la cebá yo nun la prebo
l'alfalfa yá nin la güelo. 

Teo manda-y a mio má
qu'espurra más la merienda
teo una mulina torda
quieo repartir con ella.

     Lletra: popular      
Son: Nuberu


LA CARBONERA
Per un galán toi morriendo, que ye el meyor picaor,
el más valiente chisteru del grupu d'El Rimaderu
Que ye mina de carbón.
La carbonera yá muerre, yá muerre del mal d'amor,
por un mineru al que quier anque fuere lo que fuere
Ante too ye picaor.
Ye picaor de primera, el gallu la regaera
Y que gana perres a esgaya y darréu les espantaya
Por borrachu y calavera.
Nun tien la sangre xelá, ye bravu y trabayaor,
Peles nueches de xarana, él cancia La Llangreana
como el meyor cantaor.
L'amor tienlu enfotáu nesa prieta carbonera
y pregona so guapura, y pregona so guapura
Pelos chigres enfiláu.
Llegó-y un día la ocasión
Borrachu en vino y pasión, como llobu afamiáu
Al contrariu, namoráu,
furacó-y el corazón.
Dende entós, en prisión, atristáu cola condena
porque sabe que d'amor ena villa del carbón
yá muerre so carbonera.
                          

  Lletra: popular
  Adaptación musical: Nel Xiblata
  Adaptación:Nuberu

 
CANCIÓN DE LOS VALLES

No sé que pensarás de esta canción
Está hecha de lluvia y de carbón
Como el río negro que al pasar
Confía en ser espuma al mar
No sé si esta canción habla de mí
O del lugar donde yo crecí
Un valle verde y gris que es el color
De la niebla bajo el sol.
No sé si escucharás esta canción
Su música es como el corazón
De gentes que comparten el sudor
El viento y el amor.
No sé si esta canción nace de mí
O de un valle aún solidario
De un niño que suspira al pensar
Que el viento le hablará del mar
No sé qué pensarás de esta canción
Está hecha de lluvia y carbón
Como el río negro que al pasar
Confía en ser espuma al mar.

Lletra: Chus Pedro Suárez / Alberto Vega
Música: popular
Adaptación: Nuberu


RISCAR MINERU

Dexa'l martiellu y la llámpara
La sobreguía, el testeru,
Nun baxes güei y ven comigo mineru
Ven comigo a la oriella onde el humeru verdez.
Onde el riscar esperteya
Ven a xuntate con él
Al agua murnia qu'al mar
Tan prieta y tan sola pasa
di-y que venga contigo
di-y que vuelva a la marcha, di-y que vuelva a la marcha
que vuelva la marcha darréu y faiga al sol retornar
pel desonar del barrenu como xiblata del mar
comporteru da-y xaula al puntal del postiador
guajes entibadores, desentibar el sudor
ven comigo a la oriella
trenista que-y alborrez con el pistón l'artilleru
debaxu l'atapecer
ven yá y dexa la rampla
barrenista y picaor
dexa'l camín camineru
y el vagoneru el vagón
dexá-ylo too güei comigo
venir toos a xorrecer onde el riscar esperteya
onde el humeru verdez.

 Lletra: Manuel Asur
 Música: Chus Pedro Suárez


EL CHAMICERU
Cuando me llevabin presu
a la cárcel de Llaviana
entrugóme el Siñor Xuez:
"¿a ú vas mio fíu del alma?"

"Mire Siñor Xuez, teo que-y lo contar
yo teo una tierruca y quíxela semar"

Ena güerta que yo teo
púnxime a semar bien ceo
y una veta de carbón
embarbióme'l llabriegu.

Y yo semé les pataques
y recoyí carbón
y vi que la tierruca
dábame produción.


Teo una moza
enriba Les Bories
con una de vaques
que fan cabaná.

Dan muncho llechi
les vaques, les vaques
dan muncho llechi
piénselo Vd., Siñor Xuez.

Sáqueme d'esti apuru
arregle la esplotación
usté tendrá llechi, y de xuru,
nun ha de falta-y carbón.

Nun t'apures Xuacu
veré qué facer
nun t'escaezas del llechi
que de l'otro ya te falaré.




LA ASTURIES PRIETA Y VERDE

¡Ai Asturies de mio vida!
¡Ai Asturies de mio muerte!
La que xorrez pela mina
La que xorrez pelo verde
Si verde tienes la cara
Y el golor dafechu verde
Les tos sonsoneres agües
Enforma les tienes prietes
¡Ai Asturies de la mina!
¡Ai Asturies de lo verde!
La que xorrez pela mina
La que xorrez pelo verde
Si hai pelos valles mineros
Un frescor d'alboreceres
Fasta poner el carbón, los ríos y l'aire verdes
¡Ai Asturies de mio vida!
¡Ai Asturies de mio muerte!
La que xorrez pela mina
La que xorrez pelo verde.

 Lletra: Manuel Asur
 Música: Antolín de la Fuente


MINERU LU QUIERO MADRE

Mineru lu quiero madre
Mineru lu quiero madre
De les mines del carbón
Y aunque trabaya de guaje
Y anque trabaya de guaje
Yá llegará a picaor
Mineru lu quiero madre
Y trabaya  n'El Sotón
Y aunque tien la cara negra
Tien mui blancu el corazón
Los mineros asturianos somos xente
           /campechana


Somos xente campechana, trabayamos
                              /nueche y día
Pola región asturiana
Minero valiente que ena oscuridad luches
                                    /cola muerte
Luches col polvo, luches contra el gas
tú lo vencerás.


               Lletra: J. L. Fernández
               Música: E. G. Pastrana
              Solista: El Che de Cabaños