Cancios d' un Pais | Imprimir |


  1- PER CUATRO PALOS QUE DI
  2- ROSA TEMPRANA
  3- CARRETERA D' AVILÉS
  4- PASTOR QUE TAS N' EN EL MONTE
  5- CABRALIEGA
  6- TENGO QUE RONDAR TO VALLE
  7- ENO ALTO'L PUERTU VENTANA
  8- YO NUN SOY MARINERU
  9- LA CARBONERA
10- TENGO QUE XUBIR AL PUERTU

PER CUATRO PALOS QUE DI
Per cuatro palos que di
xunto a la ilesia de Sama,
lleváronme prisioneru
a la cárcel de Llaviana.

Dende que te vi
cola pata de palu
dixe pa mi, malu, malu,
mui malu.
Dende que te vi
cola media tan chusca
y la pantorilla
ye lo que me gusta.

Dende que te vi, te vi,
dixe pa mi, pa mi.
Cola falda, morena, tan chusca morena,
me gustes al llau de mi.

Caballo da trenta pasos
pela yegua y nun relincha
non llámo-y yo caballo
sinón potru sin malicia.

Adiós rosina, adiós clavel
que te vengo a ver de mañana y tardi,
de noche nun puede ser
que me rinde l'amor, que me pega to padre.

Per cuatro palos que di
xunto a la ilesia de Sama,
lleváronme prisioneru
a la cárcel de Llaviana.

Dende que te vi
cola pata de palu
dixe pa mi, malu, malu,
mui malu.
Dende que te vi
cola media tan chusca
y la pantorilla
ye lo que me gusta.

Dende que te vi, te vi,
dixe pa mi, pa mi.
Cola falda tan chusca morena,
me gustes al llau de mi.


ROSA TEMPRANA

Carretera abaxu va
y en Santu Domingo entré
y por Pedru Crespo Calvo
carpinteru entrugué
y dixome una siñora
qué Pedru pregunta usted
pel d'arriba pel d'abaxu,
pel que ye del arrabal
hai tres Pedros Crespos Calvos
carpinteros nel llugar
y otros Pedros Crespos Calvos
que nun quieren trabayar.
Cuando más fondu ta'l pozu
más aclariá sal-y l'agua.
Cuanto más falo contigo
más me presten tos pallabres.

¡Ai, que me muero d'amor!
¡Qué me voi a morir!
Que me muero d'amor          
per una rosa temprana.

Aún recuerdo'l pañuelín
de la cinta moradina.
Aquel que tanto mordíes
cuando te poníes bravía.

¡Ai, que me muero d'amor!
¡Qué me voi a morir!
Que me muero d'amor          
per una rosa temprana.

Una viudina lloraba
la muerte del so marido
y enel bolsillo llevaba
la carta del so querido.

¡Ai, que me muero d'amor!
¡Qué me voi a morir!
Que me muero d'amor          
per una rosa temprana.

Como la ñeve nel polo
y el sol nel ecuador
brillen tos güeyos, morena
cuando tamos los dos solos.


CARRETERA D'AVILÉS
Carretera d'Avilés
un carreteru cantaba
al son de los esquilones
que so parexa llevaba.

Marineru arría la vela
que ta la nueche
tranquila y serena.

Nueche tranquila y serena
non ye bona pa rondar
que pa los enamoraos
ye meyor la escuridá.

Marineru arría la vela
que ta la nueche
tranquila y serena.

La gaviota que yo quiero
non taramiella la mar
lleváronla vientos ruinos
anque non había tempestá.

Marineru arría la vela
que ta la nueche
tranquila y serena.

PASTOR QUE TAS NEL MONTE
Pastor que tas nel monte,
pastor,
y duermes ente la fueya:
si te casares conmigo
pastor,
durmieras en buena cama.
¡Y anda y anda!

Soi nacíu na cabaña,
sí, sí
y pastora foi mio madre;
morrería yo nel llanu,
sí, sí
que me faltaría l'aire.
¡Y anda y anda!

-Pastor que tas nel monte
descalzu triando breñes:
si te casares conmigo,
pastor,
calzaríes bones madreñes.
¡Y anda y anda!

-Salto y brinco pel monte
sí, sí
descalzu y triando espinos
meyor qu'en esos llugares
sí, sí
con madreñes y escarpinos.
¡Y anda y anda!

-Pastor que tas nel monte
comiendo pan de centenu:
si te casares conmigo
xintaresres del trigu bono.

-Xintando pan de centeno
sí, sí
descalzu y durmiendo en fueya,
tengo yo nestes altures
sí, sí
la tranquilidá del alma.
¡Y anda y anda!


-Yo xubiré a la montaña
y pastora me faré;
dormiré na to cabaña
y el rebañu cudiaré.
¡Y anda y anda!

 Lletra: popular
 Adaptación: Nuberu


LA CABRALIEGA
Cuando salí de Cabrales
lloraba una cabraliega;
ella lloraba por mi
y yo lloraba por ella.
Non llores, neña, non llores;
non llores nin tengas pena,
en cumpliendo los tres años
cásome contigo, neña.

Si quies ver a Cabrales,
sube al Altu de Cuera,
allí verás a Cabrales
y tola Peñamellera.


TENGO DE RONDAR TO VALLE

Suañé que dormís nel horru,
subí pela pegoyera,
diome to madre cerilles
pa qu'acertare a metela...
la llave pela pesllera.

A Braña del Mediu fui
a ver a la mio pastora
y díxome ellí un vaqueiru:
"Esta ye la mio siñora,
que cásámonos agora".

Tengo de rondar to valle,
anque a puñalaes muerra,
que nun quiero que me digan
que te perdí per cobarde:
¡Una puñalada y fuera!

ENO ALTO'L PUERTU VENTANA

Eno alto el puertu Ventana
tengo l'amor
ya baxaron los pastores
y él non baxó.
Si tiró pa L.leitariegos
ya m'escaeció, ya m'escaeció
¡Ai! cuitada de la neña
que tien amor, que tien amor.

A Castiella vanse, vanse
ya los pastores;
ya la nieve cuaya en puertu
ya non hai flores.
¡Ai! mio madre que me maten
tantos dorlores, tantos dolores
¡Ai! cuitada de la neña
que tien amores.

 Letra: popular
 Adaptación: Nuberu


YO NUN SOI MARINERU

Yo nun soi marineru,
que si lo fuere,
yo llevare en mio barcu
a la mio morena.

Yo nun soi marineru, non.
Y a la mar nun me marcho yo.

LA CARBONERA

Per un galán toi morriendo, que ye el meyor picaor,
el más valiente chisteru del grupu d'El Rimaderu
Que ye mina de carbón.
La carbonera yá muerre, yá muerre del mal d'amor,
por un mineru al que quier anque fuere lo que fuere
Ante too ye picaor.
Ye picaor de primera, el gallu la regaera
Y que gana perres a esgaya y darréu les espantaya
Por borrachu y calavera.
Nun tien la sangre xelá, ye bravu y trabayaor,
Peles nueches de xarana, él cancia La Llangreana
como el meyor cantaor.
L'amor tienlu enfotáu nesa prieta carbonera
y pregona so guapura, y pregona so guapura
Pelos chigres enfiláu.
Llegó-y un día la ocasión
Borrachu en vino y pasión, como llobu afamiáu
Al contrariu, namoráu,
furacó-y el corazón.
Dende entós, en prisión, atristáu cola condena
porque sabe que d'amor ena villa del carbón
yá muerre so carbonera.
                          

  Lletra: popular
  Adaptación musical: Nel Xiblata
  Adaptación:Nuberu


TENGO DE XUBIR AL PUERTU

Tengo de xubir al puertu
anque me cubra la nieve
tengo de xubir al puertu
que allí ta la que me quiere.

Si la nieve que cae
cubre el senderu
yá nun veré nel monte
lo que más quiero.
¡Ai! amor
si ena nieve resbalo
caigo yo.
Tengo de xubir al puertu
al puertu y a la montaña
tengo de xubir al puertu
que allí ta la que me ama.

Si la nieve que cae
cubre el senderu
yá nun veré nel monte
lo que más quiero.
¡Ai! amor
si ena nieve resbalo
que faigo yo