Los meyores en lo nuestro | Imprimir |
10/12/08

Pue parecer grandón, pero ya ye oficial: somos la meyor páxina personal d´Asturies. Asina lo decidió ayeri el xuráu del Premiu anual organizáu pol Comerciu Dixital y el Bancu Herrero, depués de que www.nuberudespedida.com liderara dende´l principiu les votaciones populares entamaes durante selmanes na páxina del periódicu.

Nes otres estayes, los ganadores son Telecable (Empresarial), La Comarca de la Sidra (Turismu), Fuentes de Invierno (Deportes), Noticies de Ruenes (Blog) y Festival de Cine de Xixón (Institucional), que tamién algamó el premiu de Meyor web d´Asturies. Norabuena a tóos ellos y a los nuestros xustos y perbonos contrincantes de categoría, Asturconciertos y Estéfano.

Y a ver si, ya pa rematar, el portátil del concursu toca a dalgún de los munchos nuberiegos que quixeron apoyar col so votu a Nuberu, tamién na rede. Gracies.