Esti vienres, en Llangréu | Imprimir |
20/05/08
Nuberu abre en conciertu la II Muestra Cultural Tolo d´Asturies que se cellebra los díes 23, 24 y 25 de mayu na estación d´autobuses de La Felguera.

Nuberu pesllará´l espectáculu d´apertura de la Muestra, que entamará a les 22 hores coles actuaciones de los asturianos Ciquitrinos y los gallegos Marful. 
 
Tolo d' asturies
La Muestra entama oficialmente el sábadu 24 a les 12 de la mañana, cola apertura de la I Feria del discu y el llibru n´asturianu, puestos de venta de productos gastronómicos y artesanos, y esposiciones de vestimenta, instrumentos y artesanía. El sábadu habrá tamién actuaciones de les bandes de música y gaites de Llangréu, más actuaciones musicales pela tardi y conciertu a les 22 hores a cargu de Iñaki Diéguez Tríu, Hammon-Martin Quintet y Dixebra.

El domingu pela mañana será el turnu de la toná, a les 18 hores habrá conciertu de Héctor Braga y una hora más tardi, homenaxe a la tradición del acurdión, cola collaboración de Xosé Antón Fernández "Ambás".